Një 46-vjeçar është gjetur i pajetë ditën e sotme, në lagjen “1 Maji” në qytetin e Kuçovës.
Mësohet se viktima është Admir Bejo, i cili është gjetur i vdekur nga familjarët e tij. Më herët, pikërisht në rrugicën e shtëpisë në këtë lagje, Admir Bejo u plagos me armë zjarri dhe u gjet i shtrirë në rrugë nga një kalimtar që njoftoi asokohe policinë
Më në 13 gusht, Bejo u transportua fillimisht drejt Spitalit Rajonal Berat dhe më pas në Spitalin Ushtarak në Tiranë, ndërkohë që një ditë më pas policia identifikoi dhe arrestoi autorin e plagosjes. Ai rezultoi të ishte komshi me Bejon dhe se e kishte qëlluar për shkak të një borxhi të papaguar.
Ndërkohë, sot ai ka humbur jetën, dhe policia dyshon se shkak ëhstë “konsumimi i një mbidoze lëndësh narkotike”.
Trupi i pajetë i 46-vjeçarit është transportuar në morgun e Spitalit Rajonal të Beratit, ku autopsia mjeko-ligjore përcaktoi si shkak të vdekjes “trombozën në mushkëri e zemër”.
