Gjykata e Durrësit ka dhënë sot masat e sigurisë për tre personat e arrestuar më 4 nëntor, pas gjetjes së kokainës mes bananeve në portin e Durrësit.
Mësohet se Gjykata ka vendosur 45 ditë burg për Petrit Demishaj, Alban Naziraj dhe Artur Sevdara.
Kokaina u gjet 3 ditë më parë, e fshehur në një kontejner që transportonte banane, ndërsa ishte nisur nga Ekuadori. Droga ishte e ndarë në 31 pako, ndërsa dyshohet se një pjesë e saj është marrë nga bandat.
Nga ana tjetër, mësohet se ata kanë mohuar akuzat duke thënë se nuk kishin dijeni që dorga ishte mes frutave.
