Një ngjarje e rëndë është regjistruar në Greqi, ku një grua ka mbetur e plagosur.
Mediat nga vendi fqinj raportojnë se gjithçka ka nisur nga dyshimet për tradhti, të një gruaje ndaj burrit të saj. Për të hequr dyshimet, ajo vendosi ta ndiqte bashkëshortin në Korianth, ku në fakt e kapi mat me të dashurën, brenda makinës së tij.
Në këtë moment, gruaja e xhindosur hapi derën e makinës dhe filloi të godiste me thikë gruan tjetër, duke e plagosur rëndë.
Ajo më pas u arrestua nga policia, ndërsa akuzohet për vrasje të mbetur në tentativë. Nga ana tjetër, e dashura e burrit është dërguar në spital, ku ndodhet jashtë rrezikut për jetën, pavarësisht se ka marrë plagë të rënda.
