Faza e 9-të e megaoperacionit të quajtur “Qarku” ka përfunduar. Në pranga ka rënë një 35-vjeçar.
Një magazinë e përshtatur për kultivim të bimëve narkotike me anë të llambave dhe farat e kanabisit që do të kultivoheshin në këtë ambient janë sekuestruar nga policia.
Një kallashnikov dhe një pistoletë silenciator janë sekuestruar gjithashtu. Kontrolli u bë në fshatin Beltojë.
Një ditë më parë u finalizua faza e 8-të e këtij megaoperacioni, si rezultat i së cilës u sekuestruan 2 armë zjarri, 2 radio policie, 3 mina me telekomandë, një bllokues valësh, 1.6 kg eksploziv C4, 2 armë gjahu, 1 armë sportive e municion luftarak. 2 shtetas u vunë në pranga, 1 u shpall në kërkim, ndërsa 2 të tjerë po procedohen penalisht, bëri me dije policia.
