Pak javë para nisjes së edicionit të 61 të Festivalit të Këngës në Radio Televizionin Shqiptar, është publikuar lista me artistët që do konkurrojnë. Lista përfshin emra shumë të njohur si Rovena Dilo, Manjola Nallbani, Elsa Lila, Fifi. Në festival rikthehen shumë emra që kanë qenë të shkëputur nga skena prandaj kurioziteti për këngët është i madh. Fituesi i festivali do të përfaqësojë Shqipërinë në Eurovizion, i cili këtë vit do të mbahet në Angli.
Këtë vit Festivali i 61-të i Këngës vjen me një risi lidhur me këngën që do të përfaqësojë Shqipërinë në Eurovizion, fituesi i së cilës do të zgjidhet me votat e publikut me anë të SMS-ve.
Çmimi për 3 vendet e para, çmimi për artistët e rinj dhe grupet alternative si dhe çmimi për karrierën do të jepen pas një vlerësimi nga juria.
