Një grua nga Rumania është gjetur e vrarë në banesën e saj në Itali. Autoritetet kanë shpallur në kërkim burrin e saj shqiptar Avni Mece, shkruan Ansa.
Alexandra Elena Mocanu, 35 vjeç jetonte në Tirolin e jugut ku punonte si banakiere. Ajo u gjet e pajetë në banesën e saj në Bolzano një ditë më parë, në orët e vona të pasdites.
Denoncimi është bërë nga familjarët. Bashkëshorti shqiptar dyshohet se ka marrë makinën dhe telefonin e gruas dhe është arratisur drejt vendlindjes.
Policia gjeti trupin e viktimës të mbështjellë më batanije. Prokurorja e çështjes Claudia Andres po drejton hetimet për zbardhjen e plotë të kësaj ngjarje të rëndë.
