Një 25-vjeçare me profesion mësuese në SHBA ka rënë në prangat e policisë, pasi akuzohet se kishte përgatitur një listë me emrat e kolegëve dhe nxënësve të saj të cilët planifikonte t’i vriste.
Angelica Carraquillo-Torres, mësuese në shkollën St Stanislaus, në Çikago, u arrestua të enjten (13 tetor) pasi i tregoi një nxënësi të klasës së pestë, të cilin e ajo e kishte të preferuar, se kishte përgatitur një “listë vrasjesh”. Përveç kolegëve dhe nxënës, në listë ishin dhe emrat e disa prej miqve të saj të gjimnazit por dhe familjarë e të afërm të saj.
Nxënësi i tregoi gjithçka prindërve të tij, të cilët të alarmuar lajmëruan autoritetet dhe pas nisjes së hetimit, 25-vjeçarja u arrestua.
Shkolla bëri një reagim ku njoftoi se mësuesja ishte pezulluar deri në përfundim të hetimeve, megjithatë prindërit kanë reaguar shumë ashpër duke kritikuar mënyrën e rekrutimeve dhe punësimeve në këtë shkollë.
