Një 55-vjeçare ka denoncuar në polici fqinjin e saj 40-vjeçar në fshatin Porodinë të Korçës, pasi sipas saj ai i ka ngacmuar seksualisht djalin, i cili vuan nga probleme të shëndetit mendor.
Lajmin e bën të ditur policia përmes një njoftimi, ku thuhet se shtetasja A.Q pretendon se shtetasi D.M i ka ngacmuar seksualisht djalin 4 muaj më parë, por kjo ngjarje nuk është raportuar në polici.
“Specialistët për Hetimin e Krimeve të Komisariatit të Policisë Korçë referuan materialet për vlerësim, pranë Prokurorisë së Rrethit Gjyqësor Korçë, pasi më datë 12.10.2022, ka bërë kallëzim shtetasja A. Q., 55 vjeçe, banuese në fshatin Porodinë, Korçë, e cila pretendon se 4 muaj më parë, shtetasi D. M., 40 vjeç, i ka ngacmuar seksualisht djalin e saj me aftësi ndryshe. Kjo ngjarje nuk është raportuar më parë në Polici, nga familjarët e djalit.
Materialet i kaluan Prokurorive të Rretheve Gjyqësore Korçë dhe Pogradec, për veprime të mëtejshme”, thuhet në njoftimin e policisë.
Gjitashtu sipas burimeve për Gazetën Panorama, bëhet me dije se nëna e djalit ka pasur një konflikt të mëparshëm me 40-vjeçarin, për vijën e ujit disa muaj më parë, konflikt që është zgjidhur nga njësia administrative.
