Jo vetëm në Europë, por shqiptaret po shtrijnë aktivitetin e shtëpive të barit edhe në Turqi.
Rasti më i fundit u zbulua në Manisa të Turqisë falë bashkëpunimit të autoriteteve shqiptare dhe atyre turke. Policia shqiptare kishte marrë informacion se dy qytetarë shqiptarë, emigrantë në Turqi dhe pa rekorde kriminale ishin future në këtë biznes të paligjshëm.
Informacioni iu përcoll partnerëve të cilët në një banesë në Manisa, gjetën një shtëpi bari me 211 bimë narkotike të kultivuara. Po ashtu, policia sekuestroi dhe 3 armë zjarri pistoleta, municion luftarak, 8.6 kg marijuana dhe 9 pako me drogë sintetike.
Në pranga ra 1 shtetas turk i cili u kap duke punuar brenda shtëpisë së barit. Nga ana tjetër, dy shqiptarët dhe bashkëpunëtori i tyre turk u shpallën në kërkim.
