Misteri për vendndodhjen e Ervis Martinajt dhe kërkimet për të kanë përplasur së fundmi Prokurorinë e Kurbinit dhe Gjykatën e këtij qyteti.
-640-0-1658132863xmartinaj-271
Organi i akuzës ka kërkuar lejimin e kontrollit të disa banesave në Durrës, por Gjykata e ka rrëzuar.
Sipas News 24, Gjykata e Kurbinit ka argumentuar rrëzimin e kërkesës me faktin se sipas saj nuk ka prova bindëse. Ndërkohë kërkesa për kontrollin e banesave, u pranua nga gjykata e Apelit Tiranë.
Gazetarja Klodiana Lala tha se sa i përket kontrollit që është ushtruar në dy banesa, burime zyrtare janë tejet të rezervuara por është mësuar që janë marrë disa sende prej andej.
Nuk dihet sa do i vlejnë hetimit të kësaj cështje, që dhe pse u bënë dy muaj që nga denoncimi i xhaxhait të tij për zhdukjen e Martinajt, nuk dihet asgjë për fatin e 40 vjecarit të shumërkërkuar.
