Kryeministri Edi Rama, ka dhënë një intervistë për median italiane “Sky TG24” në përmbylljen e konferencës S.E.M.I. “Kultura do të shpëtojë botën”.
Kryeministri Rama gjatë kësaj konferencë u ndal tek situata pandemike, po ashtu edhe tek negociatat me Bashkimin Europian.
“Jemi përpjekur shumë herë, por është si të organizojmë një dasmë dhe nusja nuk vjen. Shumë vite diktaturë na kanë bërë vendin më të largët nga Rusia (nuk kemi pse të sanksionojmë, e bëjmë që nga viti 1990) dhe më të afërt me Evropën e Shtetet e Bashkuara, ne jemi më pro amerikanë se Teksas. Për BE-në tani jemi më të qetë sepse tashmë ka pasur zgjedhje në vende si Franca dhe Holanda,”, tha Rama.
Më tej kryeministri ka zbuluar edhe raportet mes ish-kryeministrit Silvio Berlusconit dhe Fatos Nanos për të cilët tha se kanë pasur raport të mirë.
“Nuk varet nga kahja politike. Unë mendoj për Berluskonin që është përfaqësuesi i së djathtës. Berluskoni ka pasur një marrëdhënie shumë të mirë me Fatos Nanon. Ka pasur periudha kur në Itali kanë qenë qeveri të djathta ndërsa në Shqipëri kanë qenë të majta. Kemi lidhje të hershme historike, nuk ka ndarje kahesh politike. Çdo gjë që shihni në Tiranë si monument kulture, janë bërë nga arkitektët italianë. Nuk ka receta për të djathtën dhe të majtën.”
Gjithashtu në fjalën e tij në samitin e mbajtur në Bergamo me temë ‘Kultura do të ndryshojë botën’, Rama komentoi edhe fitoren e Girogia Meloni, duke u shprehur se nuk beson që me të do të ketë probleme.
“Shqipëria është një Itali, veçse pak me e ngatërruar dhe nuk mendoj se do të kemi probleme me qeverinë e ardhshme italiane. Nuk kemi pasur kurrë probleme në të kaluarën me asnjë lloj qeverie, si me të majtën ashtu edhe me të djathtën. Sepse ne i përkasim të njëjtës histori, Berluskoni do të kishte qenë një socialist i mirë. Në Itali ka diçka të mirë për Shqipërinë, sepse cila do të jetë në krye, si e majta dhe e djathta, për ne nuk është problem,” tha ndër të tjera Rama.
