Një histori e çuditshme është ajo e ndodhur në Sarandë ku shtetasi B. Muho është arrestuar nga policia, pasi në servisin e tij është gjetur një kampervan i grabitur nga pronarët e vërtetë në Gjermani.
“Nga specialistët për Hetimin e Krimeve të Komisariatit të Policisë Sarandë u referuan materialet në Prokurori dhe nisi procedimi penal në gjendje të lirë për shtetasin B. M., 37 vjeç, pasi dyshohet se ka trafikuar automjetin e markës “Fiat”, i cili rezulton i vjedhur në Gjermani. Automjeti u sekuestrua në cilësinë e provës materiale”, njofton policia.
Burime për BalkanWeb bëjnë me dije se Muho ka deklaruar në polici se një i moshuar ia ka lënë në servis kampervanin, në mënyrë që të punonte mbi të për realizimin e lyerjes me bojë.
