Kryeministri Albin Kurti ka votuar ditën e sotme në zgjedhjet e brendshme të Lëvizjes Vetëvendosje, ku ai po garon për kryetar të këtij subjekti politik.
Ai ka falënderuar të gjithë anëtarët e partisë së tij për punën që kanë bërë deri më sot.
“Sot është ditë e demokracisë në LVV. Në 46 degë të Vetëvendosjes mbahen zgjedhje për kryetar të lëvizjes, strukturës, rinia për LVV dhe gratë për LVV. Urime e gëzuar të gjithëve”, tha Kurti para gazetarëve.
Kurti është kandidati i vetëm në garë për pozitën e kryetarit të kësaj partie.
