Djali më i vogël i Kate Middleton, Princi Louis, thuhet po “bën pyetje” në lidhje me vdekjen e Mbretëreshës Elizabeth II, ndërsa përpiqet të kuptojë të gjithë situatën që po ndodh.
Princesha e sapo emëruar e Uellsit, Kate Middleton, ka folur me me Guvernatorin e Përgjithshëm të Australisë David Hurley në lidhje me djalin e saj të vogël gjatë një pritjeje në Buckingham Palace në Londër të shtunën.
“4 vjeçari tani po bën pyetje si: ‘A mendoni se ne mund t’i luajmë ende lojëra kur shkojmë në Balmoral (Kështjella në Skoci) dhe gjëra të tilla, sepse ajo nuk do të jetë atje?’- kishte rrëfyer Kate, sipas Daily Mail .
Hurley vuri në dukje se djali 9-vjeçar i Middleton, Princi George, nga ana tjetër, “po e kupton tani se sa e rëndësishme ishte stërgjyshja e tij dhe çfarë po ndodh”.
Javën e kaluar, princesha e Uellsit u tha dashamirësve jashtë pallatit se djali i madh e kuptoi vdekjen e Madhërisë së Saj më shumë se Louis dhe fëmijët e tjerë të familjes mbretërore.
“Ajo tha se ata po i mbanin gjërat sa më normale që të ishte e mundur për fëmijët,” -duke shtuar se të vegjlit e Middleton “po ia dilnin mirë”.
George dhe Charlotte filluan vitin e tyre të parë në Shkollën Lambrook në Berkshire, Angli, në fillim të këtij muaji pas transferimit të familjes në Windsor.
Në ditën e tyre të dytë të shkollës, Buckingham Palace lëshoi një deklaratë shqetësuese në lidhje me përkeqësimin e shëndetit të Mbretëreshës.
Ndërsa Princi William, dhe anëtarë të tjerë të familjes nxituan në shtratin e sovranit në Balmoral, ajo qëndroi me fëmijët e tyre. Lajmet për vdekjen e Mbretëreshës u bënë të ditur disa orë më vonë.
“Vdekja e nënës sime të dashur, Madhërisë së Saj Mbretëreshës, është një moment i trishtimit më të madh për mua dhe të gjithë anëtarët e familjes sime”, shkroi mbreti Charles III në deklaratën e tij në atë kohë.
Funerali i Madhërisë së Saj po mbahet ditë ne sotme (19 shtator) në Westminster Abbey në Londër.
