Një person ka rënë në pranga dhe një tjetër është shpallur në kërkim në Kosovë, nën akuzë për ngacmim seksual dhe tentativë për rrëmbim të dy të miturave.
Policia e Istogut ka njoftuar se dy personat janë vëllezër, të cilët kanë ngacmuar dy vajzat e mitura dhe kanë tentuar t’i rrëmbejnë duke i futur në makinën e tyre.
Njoftimi i policisë:
NGACMIM SEKSUAL/Istog 09.09.2022 – 21:30. Është arrestuar i dyshuari mashkull kosovar për shkak se së bashku me vëllain e tij i cili gjendet në arrati, duke i mashtruar i kishin ngacmuar dhe tentuar t’i fusin në veturë dy viktimat e mitura femra kosovare. I dyshuari pas intervistimit me vendim të prokurorit është dërguar në mbajtje.
