Sekretari amerikan i Shtetit, Antony Blinken ka reaguar pas sulmit kibernetik ndaj vendit tonë nga Irani dhe vendimi për ndërprerjen e raporteve diplomatike me këtë të fundit.
Përmes një postimi në Twitter, Blinken shkruan se nuk do të tolerohet asnjë sulm ndaj Shteteve të Bashkuara të Amerikës apo aleatëve të saj.
“Ne po caktojmë sanksione ndaj Ministrinë e Inteligjencës dhe Sigurisë së Iranit dhe ministrin e tij për përfshirje në aktivitete të aktivizuara kibernetike kundër SHBA-së dhe aleatëve tanë. Ne nuk do të tolerojmë sulme kibernetike që synojnë interesat, infrastrukturën ose shërbimet e SHBA-së ose të aleatëve tanë,”- shkruhet në postim.
Shtetet e Bashkuara njoftuan sot vendosjen e sanksioneve ndaj Ministrisë iraniane të Zbulimit dhe Sigurisë dhe ministrit të saj Esmail Khatibi për përfshirje në aktivitete kibernetike kundër Shteteve të Bashkuara dhe aleatëve të tyre, duke përmendur mes këtyre aktiviteteve, sulmin kibernetik ndaj Shqipërisë.
