Të tjera detaje dalin në dritë në lidhje me rusin që sulmoi dy ushtarët në uzinën e armëve në Gramsh. Michail Zorin, i cili dyshohet se është rekrutuar nga shërbimet e Inteligjencës, ka nënën pjesë të ushtrisë rusë. Nga ana tjetër, babai i 24-vjeçarit është me profesion avokat.
Ai ka udhëtuar 3 javë më parë nga Çekia drejt vendit tonë, ku ka hyrë pikës kufitare të Muriqanit. Ai ka pretenduar se ka udhëëtuar me një biçikletë sportive, por autoritetet ende nuk e kanë gjetur mjetin.
Zorin dhe dy miqtë e tij, Svetlana Timofoeva, 33 vjeçe dhe 25-vjeçari ukrainas Fedir Alpatov kishin fjetur në çadër jashtë portit të Durrësit, fakt që konfirmohet edhe nga kamerat e sigurisë.
