Një ngjarje tragjike është regjistruar në Britaninë e madhe, ku viktimë ka mbetur një 9-vjeçare.
Ngjarja ka ndodhur në qytetin e Liverpulit, ku 9-vjeçarja është qëlluar për vdekje në gjoks me armë zjarri nga një burrë i panjohur, teksa ndodhej në shtëpinë e saj. 9-vjeçarja është dërguar në gjendje kritike për në spital, ku më pas ka ndërruar jetë.
Edhe prindërit e të miturës u plagosën nga të shtënat me armë, ndërsa dyshohet se autori kishte hyrë në banesë për të vjedhur por ka hasur në rezistencën e familjes. Autoritetet pritet të sjellin detaje të reja, ndërsa hetimet vazhdojnë.
