Adem Belliu, i afërmi i aktorit shqiptar Florind Belliu i cili humbi jetën në SHBA bashkë me bashkëshorten e tij Ornelën disa ditë më parë, ka treguar detaje të reja në lidhje me ngjarjen e rëndë.
Në një intervistë për “Euronews Albania”, Ademi, i cili do shoqërojë trupat e tyre për në Shqipëri, u shpreh se sipas ekpertizës, Florindi dhe Ornela janë hedhur nga dritarja dhe kanë mbetur të vdekur në vend.
Ai theksoi se policia mori në pyetje një nga fëmijët që e pa ngjarjen dhe u tha autoriteteve se e ëma e kishte puthur, i kishte dhënë lamtumirën dhe më pas ishte hedhur.
“E vërteta sipas ekspertizave është që të dy janë hedhur nga dritarja dhe kanë vdekur në vend.
Ekspertiza thotë që nuk ka pasur dhunë që të shtyjnë njëri-tjetrin.
Në mediat amerikane, në fakt është shkruar se Florind Belliu, që ka pasur probleme me shëndetin mendor, e ka hedhur të shoqen, e cila ishte shtatzënë, nga dritarja, dhe më pas u hodh dhe vetë.
Ndërkohë, familjarët e Florind Belliut, kanë nisur mbledhjen e fondeve për marrjen e kujdestarisë së 2 fëmijëve të vegjël.
Anisela Zhupani, është personi që po ogranizon një GOFUNDME, i cili synon të grumbullojë një total prej 50 mijë dollarësh.
