Zbardhen detaje të reja nga të shtënat me armë zjarri në zonën e “Ujit të Ftohtë”, në Vlorë. Gazetari Marjus Seiti raporton për “BalkanWeb” se janë konfliktuar dy pronarë të plazhit, ku sherri ka nisur me fjalët “Pse më shikon”.
Siç mëson gazetari, pas këtyre fjalëve dy pronarët janë konfliktuar me fjalë banale, ku njëri prej tyre ka nxjerrë armën dhe ka qëlluar në ajër, duke u larguar më pas nga vendngjarja.
Gazetari Marjus Seiti sjell në redaksinë e “BalkanWeb” pamje nga vendngjarja, ku siç shihet, të shtënat janë regjistruar në mes të plazhit, i cili siç shihet, është i mbipopulluar.
Ngjarja ka shkaktuar panik te turistët, ndërsa forca të shumta policie kanë rrethuar menjëherë zonën dhe kanë ngritur pika të shumta kontrolli për kapjen e autorit, i cili është identifikuar.
