Kryeministri Edi Rama nuk i ka ndaluar akuzat në drejtim të opozitës, veçanërisht me kryetarin e PD-së, Sali Berisha. Nga foltorja e Kuvendit, Rama tha se sa herë që flitet për Kosovës, zgjohen të gjithë gogolat.
Mes të tjerash Rama tha se opozita e harroi oqeanin, ndërsa shtoi se do të harrojë edhe Adriatikun.
“Ka një bilanc PS në raport me interesin kombëtar. Nga dita një, absolut! Bilanci i asaj që quhet PD, që është një tufë varkash druri, që vini këtu dhe ju gënjen mendja që përballeni me një anije. Një tufë varkash me lopata jeni. Oqeanin e harruat disa dhe tani do harroni dhe Gjibraltarin disa. Shumë shpejt do harroni dhe Adriatikun, Mbani mend fjalët e mia se mua më dalin fjalët. Cili dinjitet dhe sovranitet mbroni ju? Kur ju e keni thikën në gojë sa herë që duhet t’ja ngulni Kosovës.
Me thikën tuaj e keni përcjellë presidentin në detyrë të Kosovës për në Hagë. Historia tregon se ju e furnizuat Milosheviçin. A ajo ka ikur? Historia doli përpara. Thotë; je i padëshirueshëm. Non-grata. Mbaroi historia jote tani. Çoi naftë Milosheviçit atje, kush ia çoi? Futu andej dhe kthe Shqipërinë në pronë private. Historia është më e fortë se ty. Vijmë te Dick Marty dhe raporti për qeniet njerëzore. Si nisi kjo punë? Nga nisi nga Kremlini dhe na e votuan këta. As një fjalë për Dick Marty dhe trafikun e qenieve njerëzore. Ça krenarie keni ju për luftën nëse nuk keni kurajo që të respektoni Hashim Thaçin. Ne duhet ë ngrihemi në këmbë sa i përmendet emri Thaçit. Për ça jeni krenarë ju? Për Bacën Adem? Hajdeni mbrojeni këtu. Ju jeni gati të shkoni në Këshillin e Europës dhe të thoni: Shqiptarët janë mafia, dhe ju përpiqeni ta shpëtoni. Ju jeni të padëshirueshëm. Jo për Slobodan që edhe sot rrotullohet në varr nga kënaqësia. Për çfarë tjetër? Nga SHBA. Se shpejti vjen gjëja…afrohet te Gadishulli i madh britanik dhe ku do rrini të luftoni këtu për ça? Për të përdorur sovranitetin dhe flamurin si gjethe fiku, apo të mbuloni organin kryesor të mëkatit që e keni në trupin tuaj. Që mos të vazhdojë unë me çështjen e organeve, faleminderit shumë.”, tha Rama.
