Në emisionin “Open” është diskutuat për krimin e trefishtë të ndodhur në mbikalimin e Fushë-Krujës, ku iu mor jeta nga një grup prej 4 ekzekutorësh, Brilant Martinajt dhe dy miqve të tij.
Gazetarët e kronikës, Klodiana Lala dhe Eni Ferhati kanë zbuluar dinamikën e ngjarjes dhe detaje të reja nga burime prej grupit hetimor, duke sqaruar se ditën e djeshme Martinaj është nisur nga Fushë-Kuqja për t’u ndalur në një servis në zonën e Tapizës.
Eni Ferhati: Në barrierat mbrojtëse të mbikalimit nuk kishte shumë shenja plumbi. Qitësi ka pasur shumë pak plumba jashtë objektivit dhe kjo tregon se është përdorues i mirë i armëve të zjarrit. Autorët kanë dalë nga automjeti dhe janë siguruar që të gjuajnë në këmbë. E gjithë skena ka ndodhur nga 30 në 50 sekonda. Ka dyshime nga hetuesit se kanë përdorur lëndë djegëse për t’i vënë zjarrin mjetit dhe provat janë dërguar në departamentin shkencor. Ka qenë një krim me shumë mllef. Unë kam burime nga grupi i hetimit, që është mbledhur edhe tani që flasim nën drejtimin e Gledis Nanos në komisariatin e Fushë-Krujës, që është vetëm 100 metër larg nga vendngjarja.
Klodiana Lala: Duhet të ndalemi pak te rruga që ka ndjekur Brilant Marinaj. Ka udhëtuar nga Fushë-Kuqja në drejtim të Tapizës, ka qëndruar për 30 minuta në një servis ku ka pas dërguar një makinë për ta rregulluar. Janë sekuestruar kamerat e servisit. Pronari i makinës ka thënë se kanë qëndruar 30 minuta dhe kanë pyetur për mjetin. Kanë qenë katër persona në automjet. Shoferi nuk ka dalë. Kanë qenë 4 persona, kanë qëlluar nga makina në drejtim të krahut të pasagjerit. E kanë kuptuar se Diklen Vata ka qenë gjallë, ndaj kanë dalë nga makina dhe e kanë qëlluar. Nuk ka prova për zjarre vënie të qëllimshme edhe pse ka dyshime. Por ekspertët thonë se plumbat kanë prekur sarbatorin e makinës dhe nga nxehtësia kanë shkaktuar shpërthimin e mjetit. Nëse do të kishte qenë zjarrevënie e qëllimshme mjeti do të kishte shpërthyer menjëherë në flakë. Edhe pamjet e para nga vendngjarja tregojnë se këto flakë mund të ishin shuar. Pse Brilant Martinaj është shënjestër? Sepse intensiteti i gjuajtjes është në drejtim të vendit të pasagjerit ku ai ishte ulur. Besmir Hoxhaj ishte shofer i mjetit dhe Vata ishte në sediljen e pasme. Nuk ka pasur shkëmbim zjarri, ka qenë vetëm ekzekutim. Ekzekutorët kanë pasur qëllim primar të vrisnin Brilant Martinaj. Mjetet kanë qenë paralel në fillim. Deri më tani asnjë dëshmitar nuk ka shkuar të japi dëshmi në vendngjarje. Por janë pyetur punonjës të bizneseve përreth.
