Policia e Durrësit ka arritur të zbardhë një ngjarje të ndodhur më 8 dhjetor të vitit të kaluar në një hotel përgjatë autostradës Tiranë-Durrës.
Asokohe në një dhomë hoteli mbeti i plagosur 20-vjeçari me iniciale A.S. dy prej personave që kishin dijeni për ngjarjen, një vajzë 22 vjeçe, e cila akuzohet se fshehu armën e krimit dhe një i moshuar u ndaluan menjëherë pasi ndodhi plagosja.
Ndërkohë autori i plagosjes me armë zjarri me inicialet M.B. ishte ndaluar më 20 janar të këtij viti.
Ditën e sotme policia ka vënë në pranga dhe personin e fundit që mbetej në arrati, 33-vjeçarin me iniciale T.Sh., për të cilin raportohet se ka qenë zotëruesi i armës me të cilën u plagos 20-vjeçari.
NJOFTIMI I POLICISË:
Finalizohet operacioni policor i koduar “July”.
Kapet dhe vihet në pranga një shtetas i shpallur në kërkim në vijim të hetimeve për ngjarjen e ndodhur në datën 08.12.2021, në ambientet e dhomës së një hoteli, ku mbeti i plagosur me armë zjarri një 20-vjeçar.
Specialistët për Hetimin e Krimeve në Komisariatin e Policisë Durrës, në vijim të punës për kapjen e personave të shpallur në kërkim, në kuadër të operacionit policor të koduar “July“, kapën dhe ndaluan shtetasin:
Sh., 33 vjeç, banues në Durrës.
Për këtë shtetas, Gjykata e Rrethit Gjyqësor Durrës, me vendimin e datës 12.07.2022, ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe i municionit”, ”Moskallëzimi i krimit” dhe “Veprime që pengojnë zbulimin e të vërtetës”.
Nga veprimet hetimore të kryera për ngjarjen e ndodhur më datë 8.12.2021, në ambientet e dhomës së një hoteli në autostradën Durrës-Tiranë, ka rezultuar se shtetasi T. Sh. ka qenë bashkë me shtetasit M. B., A. B. dhe A. S., në ambientet e dhomës ku mbeti i plagosur shtetasi A. S., 20 vjeç, me armën e zjarrit që dyshohet se i përkiste shtetasi T. Sh.
Pas ngjarjes janë arrestuar në flagrancë shtetasit:
B., 22 vjeçe, për veprat penale “Armëmbajtja pa leje”, “Veprime që pengojnë zbulimin e së vërtetës” dhe “Moskallëzimi i krimit”. Kjo shtetase, menjëherë pas ngjarjes, ka marrë armën e zjarrit dhe e ka fshehur në pjesën e pasme të hotelit;
H., 66 vjeç, për veprën penale “Moskallëzimi i krimit”, pasi ka strehuar shtetasen A. B., ndërkohë që ka patur dijeni për ngjarjen.
Gjithashtu, pas ngjarjes u shpall në kërkim shtetasi M. B., 26 vjeç, i cili dyshohet se ka qëlluar me armë zjarri shtetasin A. S., në ambientet e dhomës së hotelit. 26-vjeçari M. B. u arrestua më datë 20.01.2022, në kuadër të operacionit policor të koduar “Linza”.
Nën drejtimin e Prokurorisë pranë Gjykatës së Rrethit Gjyqësor Durrës, vijojnë veprimet hetimore për zbardhjen e plotë të rrethanave të kësaj ngjarjeje.
Materialet i kaluan Prokurorisë pranë Gjykatës së Shkallës së Parë Durrës, për veprime të mëtejshme.
