Policia greke ka dalë sot në një komunikatë zyrtare lidhur me arrestimin e dy shqiptarëve një natë më parë, që ishin në kërkim për vrasjen e oficerit të policisë Artan Cukut në prill të 2017-ës. BalkanWeb ka mësuar se të arrestuarit janë Bledar Jambelli dhe Kristaq Leci, ndërsa Marsel Shkurtaj është arrestuar më herët.
Ata janë arrestuar për llogari të palës greke, lidhur me ngjarjen e ndodhur në ndodhur në zonën e Vulës, ku gjatë një konflikti për larje hesapesh mes dy grupeve shqiptarësh jashtë një furre buke në rrugën “Ermou”, u plagosen me armë 3 persona, ndërsa 2 të tjerë me sende të forta.
Ndërkohë, ende nuk dihet nëse këta dy persona do të ekstradohen në Shqipëri, pasi në vitin 2019, kur Jambelli u arrestua sërish në Greqi, pala greke refuzoi ekstradimin e tij në vendin tonë.
Kujtojmë se për vrasjen e Çukut, më 8 prill të 2017-ës pranë banesës së tij në rrugën e Kosovarëve, akuzohen si porositës Bledar Jambelli dhe Shpëtim Leci. Ata akuzohen se kanë paguar Mikel Shallarin për vrasjen e Cukut.
Jambelli dhe Leci, u arrestuan mëngjesin e djeshëm. Nga hetimet e kryera, Jambellit u gjet dhe u sekuestrua: pistoletë me fole silenciatori dhe karikator me 14 fishekë në dhomën e tij, 132 fishekë, 3 karikatorë, pistolete, 2 thika, sëpatë, Pajisja e interferencës së sinjalit elektronik (bllokues GPS), detektor i pajisjes elektronike – gjurmimi i gabimeve, Jelek antiplumb, dioptri me armë të gjata, 2 wireless portative, tabletë, 6 celularë,3 pako lidhje telefonike, mjeti në pronësi të tij, i cili është përdorur për kryerjen e veprimeve të mësipërme, shuma prej 10.750 euro
Ndërkohë, në posedim Lecit janë sekuestruar: thikë, celular, Taksi D.X.E, të arrestuarit me dosjen e ngritur ndaj tyre do të dërgohen në Prokurorinë Penale të Athinës.
Mësohet se një prej tre të identifikuarve si autorë, rezulton i mbrojtur nga një nga avokatët me më emër në Greqi. Policia bën me dije se në ngjarjen në Voula morën pjesë 6 persona. 4 mbërritën në vendngjarje me një fuoristrade me targa bullgare dhe një mjet tjetër ndërsa dy të tjerë ndodheshin jashtë furrës së bukës. Burime bëjnë me dije se disa prej personave të përfshirë në ngjarjen në Voula rezultojnë me precedentë për grabitje dhe ngjarje të tjera të përgjakshme në Greqi.
