Një 39-vjeçar nga Lezha është shpallur në kërkim ndërkombëtar pasi ka bërë thirrje për nxitjen e veprimeve ekstremeve
Panorama.al mëson se bëhet fjalë për shtetasin Luigj Marku, ndaj të cilit Prokuroria e Lezshës ka lëshuar një urdhër ndalimi.
Sipas dosjes hetimore, shtetasi Luigj Marku, përdor adresa në rrjetet sociale Tik Tok dhe Facebook, ku shfaqet “live” për të komunikuar me persona të tjerë. Siç shihet edhe nga video, ai përdor gjuhë ekstremiste dhe ofenduese.
Si provë materiale prokuroria ka administruar dhe analizuar videot ku shfaqet 39-vjeçari dhe pas hetimeve të kryera për rreth 3 vite është dalë në konkluzionin se ai ka konsumuar element të veprës penale dhe dosja hetimore pritet të dërgohet për gjykim në Gjykatën e Lezhës.
Por duket se urdhër-arresti nuk e shqetëson Luigj Markun. Pasditen e kësaj të mërkure (13 korrik), ai është shfaqur “live” në Tik Tok.
Në një nga videot që ai ka publikuar në rrjetet sociale, ai ofendon reperin Arkimed Lushaj, i cili njihet si Stresi. Marku pretendon se Stresi e ka kërcënuar se do e vrasë, ndaj i kthehet ashpër dhe me ofendime.
