Shtetasi që shihni në foto është 28-vjeçari Besnik Veliaj, i cili humbi jetën ditën e sotme teksa po pastronte pusin e ujit të pijshëm së bashku me shokun e tij Bledar Bregu, 33 vjeç.
Besnik Veliaj, 28 vjeçari që gjeti vdekjen nga asfiksia, përcillet për në banesën e fundit këtë të hënë në orën 13:00 në varrezat e fshatit Lofkënd në Mallakastër.
Dy djemtë 28 dhe 33 vjeç, aksidentalisht ranë në pusin që po pastronin e nuk mundën dot të dilnin prej aty pa ndihmën e zjarrfikësve.
Ata ranë në brendësi të pusit, ndërsa fatkeqësisht 28-vjeçari, që në fillim u tha se ishte 38 vjeç, ndërroi jetë.
Bledar Bregu po merr mjekim në spital, ndërsa gjatë përpjekjes për t’i nxjerrë nga pusi u plagos edhe zjarrfikësi Albens Zotaj.
