Një djalë pesë vjeçar ka vdekur nga helmimi me helium pasi u përpoq të futej brenda një tullumbace dinosauri me të njëjtën madhësi si ai. Karlton Noah Donaghey donte të futej brenda tullumbaces për të surprizuar familjen e tij.
Nëna e tij Lisa Donaghey, 43 vjeçe, e gjeti atë në dyshemenë e shtëpisë me tullumbacen me helium mbi kokë dhe qafë. Fëmijës iu dha ndihma e parë në vendngjarje përpara se të transportohej me helikopter në spital për trajtim urgjent. Ai kaloi gjashtë ditë në kujdes intensiv përpara se respiratori i tij të fikej më 29 qershor.
Mamaja e tij tha se tullumbacin gjigant ia kishin blerë gjatë pushimeve në një park lojërash pasi ai ishte fëmijë shumë i mirë dhe i sjellshëm.
