“Dashuria nuk njeh moshë”, e kemi dëgjuar dhjetëra herë këtë shprehje, por kur gjendemi përpara një rasti të një femre të dashuruar me një mashkull më të vogël se vetja,atëherë nisin paragjykimet.
Por, cila është e vërteta?
Pra, çfarë e “ndez” mekanizmin që krijon lidhjet mes femrave të pjekura me djem më të rinj në moshë?
Le të ndalemi paksa tek shkaqet,që çojnë djemtë e rinj të dashurohen me femra më të mëdha në moshë se vetja dhe anasjelltas.
Femrat e pjekura dinë çfarë duan
Femrat më të mëdha në moshë kanë më shumë eksperiencë dhe kjo i bën meshkujt të ndihen më rehat në marrëdhënien me to. Vajzat e reja janë më pak të qëndrueshme në mendime në krahasim me gratë e pjekura,të cilat e dinë se çfarë duan dhe janë më të përgjegjshme në marrëdhënie.
“Molla e ndaluar” tërheq gjithmonë
Njihet tendenca e njeriut për të dëshiruar atë që është e ndaluar. Të qenit “mollë e ndaluar”i bën shumë tërheqëse femrat më të më dhanë moshë. Ato duken të paarritshme dhe për “bast” me veten meshkujt flirtojnë me to.
Nuk ka konkurrencë
Vajzat e reja mund të kenë shumë admirues,ndërsa gratë e pjekura ofrojnë alternativën. Ka gjithnjë e më shumë gra tërheqëse beqare, ose të divorcuara që janë të hapura për eksperienca me djem të rinj. “Gjueti” të tilla gjejnë vend në internet dhe në baret e qyteteve të mëdha.
Përgjegjësinë e mbajnë ato
Djemtë e rinj nuk kanë shumë eksperience me femrat dhe mund të mos e dine çfarë duhet të presin prej tyre. Ata ua lënë komandën partnereve të tyre më të mëdha, të cilat janë gjetur më parë në situata të tilla. Një gjë e tillë duket se vlen edhe për anën seksuale. Shumica e njerëzve mendojnë se seksi bëhet më cilësor me kalimin e moshës dhe një partnere me eksperiencë konsiderohet si element plus. Femrat e pjekura e dinë se çfarë duan dhe dinë të kënaqin një mashkull në shtrat.
Ato dinë gjithçka
Njerëzit fitojnë më shumë besim në vetvete me kalimin e viteve. Shumë prej meshkujve të rinj tërhiqen nga gra në moshë, pasi i gjejnë ato me pak sipërfaqësore. Për ta,një bisedë me një grua të tillë mund të jetë shumë më interesante dhe e zgjuar, sesa me bashkëmoshataret e tyre, shpesh të papjekura dhe të cekëta.
Financat, një tjetër kënaqësi
Financat janë një tjetër kënaqësi për meshkujt e rinj, të cilët ende nuk kanë arritur të stabilizohen, apo të kenë një punë fikse. Shumica e femrave të pjekura janë financiarisht të pavarura dhe kanë karriera të suksesshme. Meshkujve u pëlqejnë partneret që dinë të mbajnë veten dhe nuk kanë nevojë që dikush të kujdeset financiarisht për to.
Tërheqëse dhe seksi
Disa meshkuj çuditen se si shokët e tyre të rrethuar nga vajza të reja tërheqëse joshen nga gra më të mëdha në moshë. Por faktet tregojnë se shumë femra të pjekura janë tërheqëse dhe në lidhjet me to mund të gjendet romanca, apo dashuria. Cilët djem mund t’u rezistojnë 40vjeçareve si; Uma Turman, Xhenifer Aniston, apo Salma Hajek
