Astronomia, e cila ka origjinë shumë të lashtë, është shkenca që studion yjet, lëvizjet e tyre dhe fenomenet e lidhura me to, ndërsa astrologjia, e cila ka origjinë më pak të lashtë pretendon, në bazë të matjeve astronomike, se mund të parashikojë të ardhmen e njeriut, shkruan focus.it.
Astrologët e parë, në fakt, njihnin vetëm pesë planetë (Merkurin, Venusin, Marsin, Jupiterin dhe Saturnin). Duke qenë se ata besohej se ishin trupat e vërtetë fizikë të perëndive, përfytyrohej se lëvizja e tyre në sfond të krijuar nga yjësitë (përfaqësimet imagjinare të figurave mitike) ishte vendimtare për fatin e njeriut.
Astronomia dhe astrologjia shkuan krah për krah për shumë shekuj, derisa përparimi i të parës (sistemi heliocentrik, shpikja e teleskopit, zbulimi i gravitetit universal, llogaritjet e sakta astronomike) e bënë të pamundur shikimin e astrologjisë bazuar në besime të gabuara, të tilla si se Toka është në qendër të Kozmosit.
Që atëherë, astronomia ka bërë përparim të jashtëzakonshëm, si zbulimi dhe studimi i yjeve dhe galaktikave miliarda e miliarda kilometra larg, ndërsa astrologjia i ka qëndruar parimeve të dy mijë viteve më parë.
Jo vetëm kaq, por ka shumë fije astrologjike, secila me rregulla dhe teori të ndryshme dhe shpesh në kontrast të plotë me njëra-tjetrën.
