Partia Demokratike ka filluar analizën e saj në degët e rretheve dhe sot ka zhvilluar mbledhjen e Kryesisë PD-ja e degës së Durrësit.
Në mbledhje mësohet se ka pasur debate të forta të cilat kanë filluar pas artikulimit të kreut të komanduar të PD-së së Durrësit, se demokratë janë vetëm ata që kanë votuar kryetarin.
Burime nga mbledhja thanë për CityNews.al, se pas këtij deklarimi, anëtarët e Kryesisë kanë pasur debate të ashpra me Oerd Bylykbashin. Ky i fundit ka theksuar, se PD-ja e Durrësit ka mbajtur shënim të gjithë ata që morën pjesë në rizgjedhjen e Lulzim Bashës.
“Ata janë demokratë të vërtetë”, – ka theksuar Bylykbashi.
Analizën në degën e PD në Durrës, e drejton Ferdinand Xhaferri, njeriu që ka bojkotuar 3 fushata të PD-së, i shkaktoi humbje në zgjedhjet lokale të vitit 2000, ai njihet si një nga veglat e Genc Pollos, dhe së fundmi së bashku me Bylykbashin, po nxisin një përçarje të re në PD-në e Durrësit, megjithëse kjo degë në zgjedhjet e 25 qershorit regjistroi rezultatin më të ulët.
