Kryeministrja serbe Ana Brnabiç, ka deklaruar se vizita e ministrit të Jashtëm rus, Sergei Lavrov e vendos Serbinë në një situatë jashtëzakonisht të vështirë, duke iu referuar edhe vizitës së njoftuar nga kancelari gjerman , Olaf Scholz
Brnabiç ka thënë se me agjendën e aktivitetit të Lavrov po merret presidenti i Serbisë, Aleksandër Vuçiç.
Megjithatë ajo u shpreh se në Serbi mund të vijnë ministri i Punëve të Jashtme dhe kryeministri i çdo vendi.
“Në një botë ku të dy palët nuk duan të flasin dhe nuk duan të dëgjohen, është e rëndësishme të kemi një vend ku mund të vijnë edhe ministri i Jashtëm rus edhe kancelari gjerman”, tha Brnabiç.
