Vajza që shikoni në foton më poshtë është një nga tre viktimat e ngjarjes së rëndë që ndodhi të shtunën pasdite, ku dy motrat dhe nëna humbën jetën pasi i zuri korenti.
Universiteti “Aleksandër Moisiu” në Durrës ka publikuar foton e njërës prej motrave që mbeti e pajetë, bashkë me ngushëllimin për familjen e 18-vjeçares Sidorela Kola.
Në postimin në faqen Facebook, Universiteti thotë se Sidorela ishte një studente e shkëlqyer.
Postimi nga Universiteti “Aleksandër Moisiu” Durrës, në rrjetet sociale:
Me hidhërim të thellë morëm vesh lajmin e ndarjes nga jeta të studentes sonë të shkëlqyer Sidorela Kola, motrës dhe nënës së saj.
Kjo tragjedi e madhe ka tronditur shokët, pedagogët, mbarë komunitetin tonë universitar. Shprehim ngushëllimet më të sinqerta për familjen Kola dhe miqtë.
Falenderoj Fakultetin e Biznesit për homazhet që po zhvillojnë për Sidorelën dhe iu bëj thirrje të gjithëve t’i bashkohen nismës së tyre për mbledhjen e kontributeve për familjen Kola.
Mendjet e lutjet tona janë me ta!
Prof. Dr. Kseanela Sotirofski Rektor
