Gjyqi për shpifje të Johnny Depp kundër Amber Heard përfundoi të enjten dhe ishte koha që disa zëra të thyenin heshtjen dhe të jepnin mendimin e tyre, përfshirë Elon Musk.
Të enjten ka përfunduar gjyqi për shpifje i Johnny Depp kundër ish-bashkëshortes së tij, Amber Heard. E teksa po pritet vendimi përfundimtar disa njerëz kanë vendosur që të thyejnë heshtjen dhe të japin mendimin e tyre.
Një prej tyre është edhe biznesmeni më i pasur në botë, Elon Musk, i cili është përfolur se ka pasur një lidhje dashurie me aktoren e famshme të Hollywood-it.
Ai ka vendosur që të mos jetë pjesë në gjyqin prej 100 milionë dollarë edhe pse emri i tij figuronte te personat që të jepnin dëshminë.
Ishte Depp ai që akuzoi ish-partneren e tij, Heard, se kishte një lidhje me themeluesin e Tesla. Musk donte të priste derisa të përfundonte çështja për të folur dhe për të thënë atë që mendonte. Njeriu më i pasur në botë zgjodhi “Twitter”-in si platformën në të cilën ndau mendimet e tij.
“Shpresoj që të dy të vazhdojnë përpara. Në më të mirën e tyre, secili prej tyre është i mahnitshëm”, tha Musk, duke iu përgjigjur Lex Fridman.
Musk dhe Heard u takuan gjatë verës së vitit 2012 teksa punonin në xhirimet e filmit “Machete Kills”, me regji të Robert Rodriguez.
Ishte në vitin 2013 kur ajo luajti Miss San Antonio, Blanca Vasquez dhe Musk u shfaq në një film si ai vetë në film.
Sipas zëdhënësit të pronarit të Tesla-s, Elon dhe Amber nuk filluan të takoheshin deri në maj 2016, madje edhe atëherë ishte e rrallë. Marrëdhënia e tyre nuk u bë romantike deri pak kohë më pas.
Në prill 2017, Heard dhe Musk u fotografuan së bashku si çift për herë të parë teksa Bregun e Artë të Australisë. Heard i zyrtarizoi gjërat në Instagram gjatë atij udhëtimi.
