Gjendet një bombë e pashpërthyer pranë një shkolle 9-vjeçare në Labinot Fushë të Elbasanit.
Nga informacionet e para mësohet se bomba është gjetur në fshatin Mengël ndërsa menjëherë në vendngjarje kanë mbërritur forcat e policisë dhe kanë rrethuar zonën, ndërsa priten forcat xheniere për zhvendosjen e saj.
Bomba dyshohet të jetë e Luftës së Dytë Botërore.
Informacion paraprak
Më datë 12.05.2022, ka ardhur njoftim në sallën operative të DVP Elbasan, se në fshatin Mengël, në një përrua, është konstatuar një predhë e vjetër luftarake, e pashpërthyer.
Grupi hetimor ndodhet në vendngjarje dhe pritet mbërritja e forcave antieksploziv, për çaktivizimin dhe heqjen e predhës.
