Vrasja e biznesmenit spanjoll Jordi Comas është zgjidhur sot pas një dekade. Gjykata spanjolle ka dënuar shqiptarin Ahmed Kurtin për grabitjen dhe vrasjen e dhunshme të biznesmenit. Sipas hetuesve spanjollë shqiptari nuk veproi i vetëm, por bashkëpunoi me persona të tjerë identitetin e të cilëve drejtësia nuk ka arritur t’i identifikojë.
Së bashku me shqiptarin ata rrahën për vdekje në vitin 2012 biznesmenin dhe njëherësh presidenti i atëhershëm i Federatës së Organizatave të Biznesit së Gironas (FOEG). Në sulmin e dhunshëm që solli vdekjen e biznesmenit, autorët rrahën edhe gruan e Comasit. Ngjarja e rëndë ndodhi 18 nëntorin e vitit 2012, kur grabitësit hynë në shtëpinë e Comasit në Platja d’Aro (Girona). Në vitin 2019, prokuroria ngriti procedimin për veprën penale të vrasjes për mungesë provash dhe arriti në përfundimin se 13 personat e tjerë nuk u arritën të identifikohen, ndërsa vlerësoi indikacionet për gjykimin e vetëm tre të dyshuarve për këtë krim.
Mirëpo, dy prej tyre u shpallën të pafajshëm një vit më parë për mungesë provash dhe vetëm njëri prej tyre, shqiptari Ahmed Kurti ndodhet në paraburgim që nga fundi i janarit.
Si ndodhi grabitja dhe vrasja e biznesmenit
Ishin kamerat e Platja d’Aro përmes të cilave u identifikua shqiptari Ahmed Kurti për krimin që u krye atë natë të vitit 2012. Kamerat kishin filmuar një Audi S3 që ai kishte vjedhur tre ditë më parë në Sant Cugat del Vallès (Barcelona) me qëllim që ta përdorte për të grabitur shtëpinë e Comasit dhe të largohej më pas, shkruajnë mediat spanjolle.
Ai shkoi në shtëpinë e biznesmenit rreth orës 10 të mbrëmjes edhe pse e dinte se njerëzit do të ishin zgjuar dhe se do të ishte e nevojshme përdorimi i forcës fizike.
Në këtë mënyrë, ai veproi “sipas një plani të mirëmenduar më parë, duke monitoruar zonën si dhe tre personat e tjerë hynë në një dritare emrat e të cilëve nuk bëhen të ditur. Pas sulmit të dhunshëm, rreth orës 11 të mbrëmjes, kamerat filmuan një Audi në drejtim të Barcelonës duke ecur me shpejtësi.
Pasi u autorët u kapën, në makinën e tyre u gjetën kuti të vogla me bizhuteri të vjedhura nga shtëpia e Comas, një cigare të pakonsumuar dhe një dorezë të zezë, nga të cilat u morën e edhe gjurmët e ADN-së që i përkisnin shqiptarit Ahmed Kurti. Prokuroria ka kërkuar ndaj shqiptarit 15 vjet burg.
