Presidenti ukrainas Volodymyr Zelensky ka deklaruar se ushtria e tyre tashmë ka shkatërruar më shumë se 1000 tanke ruse, gati 200 avionë dhe 2500 automjete të blinduara luftarake.Por ai shtoi se pavarësisht këtyre humbjeve, trupat ruse kanë ende pajisje për të kryer sulme shtesë.
“Pushtuesit kanë ende pajisje. Po ata kanë ende raketa për të goditur territorin tonë. Por kjo luftë e ka dobësuar Rusinë aq shumë sa ata duhet të planifikojnë të kenë më pak pajisje ushtarake për paradën në Moskë”, u shpreh ai.
Më 9 Maj Rusia planifikon të mbajë paradën e saj tradicionale të Ditës së Fitores në Sheshin e Kuq duke përkujtuar dorëzimin e gjermanëve ndaj Bashkimit Sovjetik në Luftën e dytë Botërore.
Presidenti ukrainas tha gjithashtu se Rusia ka humbur tashmë më shumë se 23,000 ushtarë që nga fillimi i pushtimit.
