Një ngjarje e rëndë është regjistruar ditën e sotme në qytetin rus Ulyanovsk, ku një i armatosur ka qëlluar me armë zjarri në një kopsht fëmijësh.
Bëhet me dije se nga kjo ngjare e rëndë kanë mbetur vrarë të paktën tre persona dhe lajmi është raportuar nga agjencia e lajmeve Interfax.
Viktimat janë 2 fëmijë dhe mësuesja, teksa mësohet se pas krimit makabër autori kreu vetëvrasje.
Sipas Ria Novosti, e cila citon ish-guvernatorin e rajonit dhe anëtarin e Dumës së Shtetit, personi i armatosur dyshohet se vrau një mësues dhe dy fëmijë të mitur, ndërsa një grua tjetër është plagosur rëndë.
“Një burrë i armatosur ka hyrë në një kopsht fëmijësh dhe ka hapur zjarr. Sipas informacioneve të para dy fëmijë kanë vdekur”, tha një burim i shërbimeve të ndihmës së parë për agjencinë publike të lajmeve TASS.
