Ditën e djeshme një ngjarje e rëndë dhe e dyshimtë ka ndodhur në Itali, ku avokati shqiptar Aineo Redo u gjet i vdekur me fytin e prerë.
Nuk dihen akoma rrethanat e ngjarjes por dyshimet janë tek vetëvrasja, por nuk do lihet pa hetuar edhe si vrasje, pasi edhe situata ishte e tillë si ngjarje horror. Viktima ishte i martuar dhe kishte dy fëmijë.
Sipas mediave italiane 49-vjeçari ishte zhvendosur në Itali shumë vite më parë, ku dhe ka kryer studimet për drejtësi dhe punonte si ortak në një studio të rëndësishme ligjore, e cila ndodhet disa dhjetëra metra larg galerisë BNL.
Familja dhe miqtë e 49-vjeçarit kanë mbetur të shkuar nga ngjarja, ndërsa tregojnë se ai ishte i ndershëm, dhe se të gjithë kilientët e tij e donin.
Kolegu dhe miku i tij italian, Mario Di Frenna shprehet i shokuar ndërsa tregon kur e ka takuar për herë të fundit. Ai thekson se Redo ka ndihmuar shumë shqiptarë në Itali.
“E kam parë Aineon për herë të fundit mbrëmë (të mërkurën) kur bëmë një lojë futbolli. U përshëndetëm rreth orës 23:30. Ai më tha shihemi në zyrë. Por të nesërmen, kur mbërrita, nuk ishte aty. Pastaj më telefonuan karabinierët. Aineon e donim të gjithë, vlerësohej nga klientët dhe komuniteti shqiptar, të cilin ai e ndihmoi shumë. Ai ishte avokat i zgjuar, i ndershëm, i dashur dhe gazmor. Ai nisi çdo gjë nga e para këtu pasi erdhi nga Shqipëria. Ndërtoi me sakrifica një rrugë të shkëlqyer në karrierë”- tha ai.
Alpenews.al ju sjell edhe mesazhet ngushëlluese të miqve dhe kolegëve të avokatit shqiptar.
