Një ngjarje e rëndë ka ndodhur në një familje italiane në Aicurzio.
Pas një konflikti me të ëmën, 24-vjeçari Davide Garzia nuk ka kontrolluar dot nervat dhe ka goditur për vdekje nënën e tij Fabiola Colnaghi, 58 vjeçe.
Mediat italiane raportojnë se ishte vetë i riu që njoftoi policinë duke rrëfyer krimin. Djali jetonte me të ëmën ndërsa babai kishte kohë që kishte ndërruar jetë. Ai ndodhet në paraburgim ndërsa vijojnë hetimet për këtë ngjarje.
Keqkuptimet mes nënës dhe djalit ishin të zakonshme, ndërsa policia italiane po merr në pyetje familjarët dhe miqtë për të mësuar përse ishin debatet mes tyre.
Ndërkohë pritet të dalë autopsia për të zbuluar shkakun e vdekjes së Fabiola Colnaghi, e cila është goditur me grusht në fytyrë dhe është rrëzuar në tokë, ku i biri ka vijuar ta godasë me shkelma derisa i ka shkaktuar vdekjen.
