Policia e Përmetit kanë vënë në pranga një 40-vjeçar, me inicialet N. H., 40 vjeç. Ky persona, në mënyrë të përsëritur ka përndjekur një shtetase 31 vjeçe.
“Specialistët e Seksionit për Hetimin e Krimeve në Komisariatin e Policisë Përmet bënë ndalimin e shtetasit N. H., 40 vjeç, banues në Këlcyrë, pasi në mënyrë të përsëritur, ka përndjekur një shtetase 31 vjeçe. Materialet i kaluan Prokurorisë pranë Gjykatës së Shkallës së Parë Përmet, për veprime të mëtejshme”, bën me dije policia.
Po ashtu specialistët e Seksionit për Hetimin e Krimit Ekonomik dhe Financiar në Drejtorinë Vendore të Policisë Gjirokastër referuan materialet në Prokurorinë pranë Gjykatës së Shkallës së Parë Gjirokastër, për veprën penale “Kontrabanda me mallra të tjera”, në ngarkim të shtetasit A. G., 48 vjeç, banues në Delvinë, pasi në vendin e quajtur “Ura e Lumit”, Gjirokastër, është kapur nga shërbimet e Policisë, duke transportuar me automjetin “Mercedes Benz”, 1.6 ton fruta të pashoqëruara me dokumentacionin përkatës apo deklaratë doganore.
Gjithashtu, në lidhje me këtë rast u referuan materialet në ngarkim të shtetasit Th. K., 39 vjeç, banues në Gjirokastër, me detyrë doganier në Pikën e Kalimit Kufitar Kakavije, për veprën penale “Shpërdorim detyre”, pasi nga verifikimet hetimore ka rezultuar se nuk ka ushtruar kontroll në këtë automjet.
