Ish-kreu i Partisë Demokratike, Lulzim Basha ndodhet në qytetin e Beratit ku po zhvillon një takim me demokratët.
Ky është takimi i radhës që Basha zhvillon me demokratët për të diskutuar lidhur me situatën brenda në PD, pasi më herët ka pasur takime edhe në qytete të tjera. Që pas dorëheqjes së tij nga posti i kryedemokratit, Basha ka vendosur që të takohet me demokratë, ndërkohë që ka zgjedhur të mungojë në selinë blu e në të gjitha mbledhjet, edhe ato të grupit parlamentar.
Tanimë zyra e tij në PD është kthyer në një dhomë takimi për grupin e Rithemelimit, ndërsa edhe pas dorëheqjes së tij përplasja mes palëve vazhdon.
