Ish kryeministri Sali Berisha nuk ka pranuar të komentojë vendimin e fundit të SHBA, ku shpalli ‘non grata’ ish deputetin Aqif Rakipi dhe biznesmenin Ylli Ndroqi.
I ftuar në emisionin ‘Politiko’, Berisha tha se për rastet konkrete nuk preferon t’i komentojë, por shton se nuk është kundër sanksioneve të faktuara.
“Po pyesni dikë që është në përballje të pamohueshme me të gjitha mundësitë për dezinjimin e tij nga sekretari i shtetit non grata të cilin e kam vlerësuar si një lobim të pastër korrupriv të Soros dhe Ramës. Vlerësimi im nuk është pranuar nga departamenti i shtetit.
Sot u sanksionua Gruevski, u arratis pas një procesi gjyqësor. Kurse unë pa patur asnjë padi a proces. Për tjerët nuk i komentoj sepse apriori nëse sanksionimi bëhet me fakte është normale,por nëse nuk ka provë është qëndrimi që kam për veten time.
Nuk bëhem avokat, shqyrtues i problemit se nuk kam lexuar akoma motivacioni”, tha Berisha.
