Ushtria e presidentit të Rusisë, Vladimir Putin, i ka përqendruar forcat në Donetsk dhe Luhansk të Ukrainës.
Shtabi i Përgjithshëm i Forcave të Armatosura të Ukrainës ka njoftuar se forcat ruse i kanë fokusuar përpjekjet e tyre kryesore në një operacion “agresiv” që synon vendosjen e kontrollit të plotë mbi rajonet Donetsk dhe Luhansk.
Në këtë përditësim për luftën në Ukrainë, thuhet gjithashtu se ka pasur sulme të vazhdueshme në zonat lindore të vendit, por pa sukses.
E njëkohësisht, forcat e Putin po vijojnë përpjekjet e tyre për të sulmuar Mariupolin, një nga qytetet më të bombarduara dhe më të dëmtuara në Ukrainë.
Sipas Shtabit të Përgjithshëm të Forcave të Armatosura të Ukrainës, forcat e tyre ushtarake kishin mbrojtur sulmet në qytet për më shumë se dyzet ditë.
Ata shtuan se pretendojnë se Rusia po vazhdon të përdorë në mënyrë aktive municione të ndaluara nga ligji ndërkombëtar.
Ndërkohë kujtojmë se BBC nuk ka qenë në gjendje ta verifikojë këtë në mënyrë të pavarur.
