Presidenti i Ukrainës, Volodymyr Zelensky, ka bërë një paraqitje surprizë në Grammy 2022 në Las Vega, teksa prezantoi John Legend dhe duke kënduar një këngë për vendin e tij të shkatërruar nga lufta.
Zelensky, në një mesazh të regjistruar më para, u tha muzikantëve të pranishëm në eventin e rëndësishëm që të përdornin zërin e tyre për të kërkuar përfundimin e luftës.
“Gjithçka përveç heshtjes”, u tha presidenti ukrainas yjeve. Ai tha se “kishte një ëndërr” që ata që jetonin në qytetet e Ukrainës mund të ishin po aq të lirë sa interpretuesit në skenën e Grammys.
“Muzikantët tanë vishen si ushtarë”/ Zelensky
Zelensky e krahasoi pushtimin me një heshtje vdekjeprurëse që kërcënon të shuajë ëndrrat dhe jetët e popullit ukrainas, përfshirë fëmijët.
“Muzikantët tanë veshin parzmore në vend të kostumeve. Ata u këndojnë të plagosurve në spitale, madje dhe atyre që nuk i dëgjojnë. Por muzika do të depërtojë gjithsesi”, tha presidenti i Ukrainës.
“Gjithsesi, ne mbrojmë lirinë. Te jetosh. Të duash. Të këndosh. Në tokën tonë, ne po luftojmë Rusinë, e cila sjell heshtje të tmerrshme me bombat e saj. Heshtja e vdekur”, tha ai përpara se të bënte thirrjen për mbështetje:
“Mbusheni heshtjen me muzikën tuaj. Plotësojeni sot, për të treguar historinë tonë. Tregojeni të vërtetën për luftën në rrjetet tuaja sociale, në TV. Na përkrahni në çdo mënyrë që mundeni. Çdo gjë, por jo heshtje. Dhe pastaj do të vijë paqja”.
“Muzikantët tanë vishen si ushtarë”/ Zelensky
Videoja prezantoi performancën e këngëtarit John Legend, si pjesë e një nderimi të veçantë për Ukrainën, e cila është përballur me një krizë të vazhdueshme humanitare që nga pushtimi i Rusisë.
Prezantuesi Trevor Noah prezantoi pjesëmarrjen speciale të presidentit Zelensky në Grammys.
“Edhe në kohët më të errëta, muzika ka fuqinë të ngrejë shpirtrat dhe t’ju japë shpresë për një të nesërme më të ndritshme. Nuk ka njeri që mund të përdorë pak shpresë tani më shumë se populli i Ukrainës”, tha Noah.
Paraqitja e Zelensky në Grammy 2022 vjen pas Oscars u raportua se Presidenti Zelensky ishte në bisedime për t’u paraqitur në Oscar, por nuk ndodhi kështu.
“Muzikantët tanë vishen si ushtarë”/ Zelensky
“Muzikantët tanë vishen si ushtarë”/ Zelensky
