Altin Marku është në kërkim për plagosjen e Besnik Simonit kryetarit të Njësisë Administrative Kallmet në Lezhë. Policia bën me dije se Simoni është plagosur në rrugë. Konflikti mes tij dhe autorit ka nisur në zyrë për arsye ende të paqarta.
Simoni u plagos rreth orës 13.30 dhe aktualisht ndodhet në spitalin e Lezhws.
“Rreth orës 13.30, në fshatin Kallmet, dyshohet se pas një konflikti verbal të nisur më parë në zyrë, është plagosur në rrugë, me armë zjarri pistoletë shtetasi B. S., me detyrë kryetar i Njësisë Administrative Kallmet, Lezhë, i cili është transportuar menjëherë për ndihmë mjeksore në spitalin e Lezhës”, thotë policia.
Shërbimet e Policisë kanë rrethuar zonën dhe vijon krehja e saj për të bërë të mundur kapjen e autorit të dyshuar A. M.
Grupi hetimor ndodhet në vendngjarje dhe po punon për sqarimin e rrethanave të ngjarjes, si dhe fiksimin e çdo provë materiale që do t’i shërbejë hetimit, për zbardhjen dhe dokumentin e plotë të ngjarjes.
