Ish kryetari i PD, Lulzim Basha nuk mori pjesë në mbledhjen e grupit parlamentar mëngjesin e sotëm dhe mbërriti rreth dy orë e gjysmë me vonesë në ambientet e Kuvendit.
Basha shkoi në Kuvend menjëherë pas largimit të Berishës dhe është ulur si gjithmonë në vendin e tij, në krah të kolegut, Gazmend Bardhi. Më pas, ai ka takuar dy deputetët, Dashnor Sulën dhe Saimir Korreshin, të cilëve u ka dhënë dorën dhe ka biseduar për disa minuta.
Kjo është seanca e parë parlamentare, ku Lulzim Basha merr pjesë pas dorëheqjes si kryetar i PD më 21 mars.
