Ballë për ballë me drejtësinë është aktualisht 33-vjeçarja Roula Pispirigou, nënë e tre vajzave në Patra , të cilat humbën jetën njëra pas tjetrës në rrethana të paqarta duke lënë opinionin të tronditur.
“Pse, si e bërë këtë?”, “Nënë bushtër”, këto ishin vetëm disa nga fjalët që janë dëgjuar përpara gjykatës nga njerëzit që e rrethuan atë në shenjë proteste, teksa nëna e tre vajzave tashmë të vdekura po hynte në gjykatë për të dëshmuar.
Psirigou mbërriti mëngjesin e sotëm në gjykatë me një jelek antiplumb, një xhaketë të zezë dhe kapuç, pas ekzekutimit të urdhrit të arrestit të lëshuar ditën e djeshme.
Telefonata me avokatin e saj
Sipas informacioneve, avokati Apostolos Lytras kontaktoi me telefon Roula Pispirigou.
Në bisedën e tyre, ajo fillimisht e mohoi kategorikisht vrasjen e vajzave të saj, por një pyetje e tij e la atë pa fjalë, duke ngritur dyshimet…
“Në gjakun e vajzës suaj u gjet helm. Kush donte ta lëndonte? Mjeku? Infermieret?”, i tha ai, ndërsa nga ana tjetër e telefonit…vetëm heshtje.
Akuza me të cilën po përballet 33-vjeçarja
Ajo akuzohet për vrasje me paramendim të vajzës së saj 9-vjeçare, Georgina. Njëkohësisht po vijojnë hetimet e autoriteteve për zbardhjen e rrethanave të vdekjes së fëmijëve të tjerë të familjes, Malena 3.5-vjeçare dhe Irisit, e cila u nda nga jeta kur ajo ishte vetëm gjashtë muajshe.
Roula Pispirigou po përballet me prokurorinë pasi tek Georgina e vogël u gjet një sasi e madhe e substancës ketaminë, i cili është toksik. Tashmë, pas lokalizimit të konstatimit konkret, “frenat” e hetimit prokurorial i ka marrë Gjykata e Shkallës së Parë Athinë dhe nëna 33-vjeçare është lokalizuar dje nga policia në Patras dhe pasditen e së njëjtës ditë.
Çfarë është Ketamina?
Është një ilaç që rrjedh nga feniklidina dhe ka karakteristikat e grupit të substancave psiko-disleptike. Si i tillë, gjeneron një ndryshim në funksionimin e sistemit nervor që enton të shkaktojë shqetësime perceptuese të tilla si halucinacione. Ky ilaç vepron në sistemin nervor si një substancë e karakteristikat depresive, duke gjeneruar qetësim dhe analgjezi në mënyrë efektive duke zvogëluar aktivitetin neuronal në tru.
Rol katalitik në këtë drejtim thuhet se ka luajtur fakti se lënda toksike e gjetur tek fëmija ishte në sasi të mëdha dhe se mjekët, të cilët dëshmuan si pjesë e hulumtimit, thuhet se kanë deklaruar se nuk e kishin përdorur fare këtë lëndë mbi 9-vjeçaren.
Ndaj vajzës 9-vjeçares janë kryer 9 tentativa për vrasje
Me ndihmën e mjekëve dhe analizave të kryera është konstatuar se vajza e vogël kishte përqendrim të lartë të ketaminës në gjak.
Më konkretisht, në trupin e fëmijës sasitë e ketaminës ishin 6 mg për litër gjak. Vlen të përmendet se ketamina zhduket nga organizmat e gjallë në rreth një orë e gjysmë pas marrjes, që ndoshta do të thotë se personi që ia ka dhënë fëmijës e ka ditur këtë informacion
Ketamina shkakton konvulsione. Vajza ka kaluar nëntë episode të tilla për shkak të marrjes së medikamentit. Pra, ndaj 9-vjeçares Georgina ka mundësi të jenë kryer nëntë tentativa vrasjeje.
Ketamina u zbulua në trupin e Georgina-s tre javë më parë. Lënda u zbulua në Laboratorin e Athinës dhe vlerësimi sasior u krye në Laboratorin e Toksikologjisë të Selanikut. Një seri verifikimesh të cilat dhanë një rezultat me siguri absolute.
Ajo duhet të rrëfejë edhe për dy vdekjet e tjera
Nënës i duhet të rrëfejë gjithçka edhe për vdekjen e dy vajzave të tjera. Malena 3.5 vjeç vdiq në prill të 2019, ndësa Irisi gjashtë muajsh në mars 2021.
Pyetjet që kërkojnë përgjigje!
Së pari: Ka pasur bashkëpunëtorë 33-vjeçarja Pispirigou? Në kuadër të hetimeve janë dy persona të cilët po merren në pyetje nëse kanë ditur diçka dhe pritet të thirren për dëshmi në ditët në vijim.
E dyta: Si, ku dhe kur Roula Pispirigou e mori ketaminën? Nëpërmjet internetit apo ka përdorur ndonjë pilulë kundër depresionit që po merrte apo ndoshta barna të bazuara në atë substancë? Për këtë arsye i është konfiskuar celulari për ta kthyer në fletë dhe për të nxjerrë dosjet e fshira.
E treta: Si e helmoi Georginën ? Duke përdorur një injeksion apo përmes kanaleve të hundës, pra i ka bërë disa inhalime vajzës së saj 9-vjeçare për t’i “marrë” jetën?
Së katërti: Dy vdekjet e Malenës dhe Iridës janë për shkak të një akti kriminal? Pllakat me gjak dhe inde të dy fëmijëve janë në dosjet e Shërbimit të Mjekësisë Ligjore dhe do të rieksperohen.
