Takimi mes ministrave të jashtëm rus dhe ukrainas, Serghei Lavrov dhe Dmitro Kuleba, mund të zhvillohet brenda një ose dy javësh.
Lajmin e ka bërë të ditur ministri i Jashtëm turk, Mevlut Çavusoglu, pasi priti të hënën rifillimin e bisedimeve ballë për ballë midis delegacioneve në Stamboll.
Kujtojmë se Turqia po luan një rol kyç në ndërmjetësimin midis palëve që pas fillimit të luftës.
“Mund të ketë një takim në një nivel më të lartë, të paktën në nivelin e ministrave të jashtëm, brenda një ose dy javësh,” siguroi Cavusoglu në një intervistë në TV.
