Një ngjarje e rëndë ka ndodhur në Tepelenë, ku një 42-vjeçar ka abuzuar seksualisht me një shtetase me aftësi të kufizuara.
Ngjarja ka ndodhur në fshatin Buz, Memaliaj, ku D.K. 42 vjeç ka përdhunuar një 32-vjeçare me aftësi të kufizuara. 42-vjeçari është arrestuar, ndërsa policia vijon hetimet për zbardhjen e plotë të kësaj ngjarjeje të rëndë.
Njoftimi i policisë:
Specialistët e Seksionit për Hetimin e Krimeve në Komisariatin e Policisë Tepelenë bënë të mundur kapjen dhe ndalimin e shtetasit të shpallur në kërkim D. K., 42 vjeç, banues në fshatin Buz, Memaliaj.
Ndalimi i këtij shtetasi u bë pasi Prokuroria pranë Gjykatës së Shkallës së Parë Gjirokastër ka lëshuar urdhër ndalimi, sepse nga tërësia e veprimeve hetimore rezultoi se shtetasi D. K. ka kryer marrëdhënie seksuale me një shtetase 32 vjeçe, me aftësi të kufizuara.
Materialet i kaluan Prokurorisë pranë Gjykatës së Shkallës së Parë Gjirokastër për veprën penale “Marrëdhënie seksuale me persona të pazotë për t’u mbrojtur.
