Raundi tjetër i negociatave ballë për ballë midis Ukrainës dhe Rusisë do të zhvillohet në Turqi, duke filluar nga nesër.
Lajmin e ka bërë të ditur një nga negociatorët ukrainas, David Arakhamia i cili thotë në Facebook se bisedimet do të zhvillohen nga e hëna në të mërkurë.
Ukraina i përshkroi bisedimet e mëparshme me Rusinë që nga fillimi i pushtimit muajin e kaluar si “shumë të vështira”.
Raundi i parë i bisedimeve midis dy ekipeve të negociatorëve u zhvillua në Bjellorusi, e cila është aleate e Rusisë, por Turqia ka luajtur një rol në përpjekjet diplomatike për t’i dhënë fund luftës, me takimin e ministrave të jashtëm rus, ukrainas dhe turk në Antalia.
